真係要"的"起心肝!!!

今日同個舊同事傾電話, 而呢個舊同事話說馮小姐話同佢以前係金蘭姊妹, 但係就係佢講左一句"無事不登三寶殿", 咁馮小姐就唔再同佢做朋友喇!

點解"無事不登三寶殿"就會絕左交呢, 就係因為馮小姐離開左舊公司之後, 除左早期仲有搵呢個舊同事因為有男仔可以介紹比佢識先有聯絡之後, 之後就冇再搵人喇, 而一搵人就係同人講佢結婚派貼, 所以呢個舊同事就同佢講"無事不登三寶殿"喇!

呢個舊同事當然更係覺得搵佢過橋所以先搵佢啦, 所以佢都唔當佢係朋友, 只係當佢係舊同事啫!  但係當我同呢個舊同事講, 話馮小姐當佢係金蘭姊妹嗰時, 佢都好一個迷, 因為朋友唔係咁囉!

其實我好蠢, 因為我本身個立場都係有分"同事"&"朋友", 同事就係同事, 唔係朋友, 朋友就係朋友, 唔係同事, 係我心目中, 唔係好多人可以能夠係"同事"可以進級成為朋友!

所以從今日起, 我會不斷咁提醒自己, 馮小姐只係"同事"! 因為馮小姐本身都係同事嚟! YOKI 加油! YOKI 加油!