美麗的玻璃樽

呢支白酒, 唔係特登買嚟飲, 因為我都唔知好唔好味, 我買嚟, 只係因為佢個樽!

係因為之前有朋友嚟探我地, 買左呢支白酒上嚟, 自從嗰時, 我就已經鐘意左呢個樽!

因為我覺得要嚟裝水放係雪柜好靚  ! 唔止個樽靚, 而且仲覺得d 水都高級埋  ! 飲左個人都高級d 呀  !真係好低能..........係覺得我自己好低能  !

之前原本個樽都好地地, 個雪柜唔知仲乜, 個sensor 壞左, 攪到不停係到制凍, 連支凍水都都結左冰, 個樽就係因為咁爆左!

今日所以專登去買番支番嚟, 因為我真係好鐘意呢個樽~!

唔知係唔係d工人真係用嘢粗d, 定係佢未嚟之前d電器冇用得咁行! 因為我都唔明, 佢未嚟之前d電器都冇事, 但係佢嚟左一年, 就續樣嘢壞, 洗衣機........雪柜.........電飯煲.........好似樣樣嘢排住隊咁呀!