尋日同亞媽吹水講起馮小姐, 話馮小姐而家開始不停咁問我D bb日用品! 其實講真, 如果佢唔係成日話要係私家擇時辰開刀生, 又話而家D人見到佢咁大個肚都唔讓位, 成Q日以為自己好巴閉咁, 我可能都會睬下佢, 成日就講唔停話佢有幾大個肚都冇人讓位比佢, 又話d香港人好衰! 乜d香港人好衰咩????? 我係網上識嗰d blog友, 都好似好過你好多喎!!! 起碼我d blog友冇你馮小姐咁自私先啦!
馮小姐問我D BB 嘢就好閑事, 因為話晒我都生過, 有D咩要買、要用、要注意, 講比佢聽冇所謂, 不過次次講講下, 佢就講到樣樣都話要買最好! 買囉~ 買囉~ 我個心諗你咁有錢就買囉~ 但係一講左比佢聽大約幾多錢, 佢就縮沙! 跟住又話乜D嘢樣樣都咁貴喎! 貴? BB嘢係咁上下啦, 唔使錢送比你好唔好?! 而且, 講多幾句比佢聽, 佢就又嚟, 又用嗰招去氹我(我覺得!)!
其實都唔係我覺得架, 因為好似奶樽咁, 冇得比佢啦, 所以佢一句都冇問過我! 咪就係囉, 奶樽唔比得佢就問都冇問(意見)! 其他D咩揹帶、cushion、衫仔呀, 呢d有得攞佢就問! 問都唔緊要, 直接D啦, 都識左十幾年啦, 使唔使下下都兜一大個圈嚟氹我自投羅網呀!!! 我咁大個女都未試過咁樣對朋友架! 下下都要"因"住佢!
佢而家呢幾日都上淘寶睇嘢呀! 睇啦~ 睇多D啦~ 不過唔好叫我幫你買呀! 我 10之中有10唔想呀!!!
下次你同佢講，我諗住再生多個，佢咪唔會問你攞囉
回覆刪除啲人真係唔知個醜字點寫，恨恨的踢走佢啦
[版主回覆08/04/2010 11:37:00]我同佢講過啦, 我都唔知佢點解仲要問!
咁佢再問你咪再講囉，話要留返比下一個bb
回覆刪除[版主回覆08/04/2010 15:01:00]佢次次都唔會好直接咁問我, 每次都係兜一大個圈嚟氹我落搭, 所以我唔會同佢講話我要留番!