又係今朝一早, 馮小姐一番到嚟冇耐, 佢就走嚟同我講佢有個software 係可以係屋企搖控番嚟公司做嘢, 問我想唔想裝個software!
一聽到, 我就抓晒頭, 佢問我係唔係唔知咩嚟喎?! (唔知? 唔係嘛, 你都知嘅嘢, 我點會唔知呀!) 我抓頭, 係因為仲咩佢無啦啦有個呢d software, 而且仲問埋我裝唔裝? 所以我答佢唔使喇, 因為我啱啱先買左隻手指可以copy 公司d data番屋企做嘢! 但係佢好似好想我裝咁, 又再同我講多一次, 裝左就唔使copy 啦! 不過我都係堅持唔使!
佢見我拒絕左佢, 佢就成機同我講喇, 佢話裝左, 佢到時放產假就可以係屋企做嘢喎! 我自己係過來人, 我就同佢講佢到時唔會得閑架喇, 不過佢就話佢到時好多人幫佢, 所以佢會好得閑喎!
我個心諗, 我嗰時放產假, 就算你有幾得閑, 我都冇打算叫你做, 我d嘢你又唔識做, 更加唔知點做, 咁我放假先至要係屋企都要做, 但係你而家係每日係公司要做嘅嘢加加埋埋都唔使兩個就可以做晒, 唔通你放假我就叫你係屋企幫我做咩? 我都唔想打攪你啦! 不過, 佢知, 我知, 大家都知道公司冇乜嘢做, 既然佢講到出口話放假可以你屋企做嘢, 咁我就覺得佢想好似我係屋企做公司嘢, 咁就可以出full paid 囉!
唔係你話想係屋企做嘢就可以架喇, 公司唔多嘢做, 唔通你放假我都唔幫你咩? 同埋再加上你而家放假係有正經嘢做, 唔通我都仲阻住你叫你係屋企做公司嘢咩? 正路嚟講, 邊個放大假都交抵嘢比人做, 唔想理架啦, 所以我唯一只係諗到點解你咁想係屋企做嘢, 就係你想攞full paid 囉! 嘢又唔係好多要做, 只不過都係落個bkg & 補下料比船公司, 而呢d嘢一個月都係只做十0次, 為起一日都做唔到一次! 你唔好同我講你咁上心公司d 嘢呀? 好擔心我做唔得切呀?
唉...可以安心咁放假就唔好為嗰少少錢喇~就算有幾多人幫佢, 都唔係話24小時standby 係佢屋企架...有時間佢都瞓下喇!!!
回覆刪除我嗰陣不知幾想掉低晒乜都唔理呀~餵餵下奶, 換換下片就有人打嚟問你呢樣點做, 嗰樣點做, 夜晚又冇得瞓, 日頭仲要俾個變態99搞...
[版主回覆08/21/2010 00:05:00]佢就係想嗰小小錢都唔放過, 因為佢等錢用嘛!
佢而家未知到時係有幾忙, 因為佢話佢大把人幫佢喎! 所以我想睇下佢之後係唔係仲咁口嚮囉~
扮晒勤力=.=
回覆刪除[版主回覆08/21/2010 23:19:00]佢想FULL PAID 嘛, 更係扮勤力啦!
有隻柜上次兩次都上唔到船, 我同佢講老闆咋型, 佢仲係到死撐, 而且我話佢都有問題, 唔係只係老闆覺得, 我都覺得, 跟住佢就同我講, 星期六佢唔係STAND BY去做嘢, 因為佢唔使番工!
咁你話如果唔係佢想FULL PAID, 仲點會講到好似佢好有責任咁吖! 有邊個想放假做公司嘢架!
以佢嘅性格, 到時冇人幫佢手, 佢都會死撐喇~
回覆刪除[版主回覆08/21/2010 23:19:00]無錯! 因為佢平時做錯嘢都要死撐!
正一死雞撐飯蓋
回覆刪除[版主回覆08/23/2010 10:54:00]係呀!!!