尋晚出左去, 番到嚟已經11點半有多, 滕滕都已經成隻豬咁, 所以唯有只係摸下佢塊面珠仔!
攪好晒D嘢, 再CHECK下MAIL都成點鐘有多先去瞓, 不過瞓左一陣, 大既兩點幾到, 滕滕無啦啦企左起身叫我! 當時我就第一時間彈起身問佢仲咩, 而佢就即刻第手叫我抱佢! 抱左幾分鐘佢就已經瞓番喇!
不過, 今朝番到公司都已經九點幾, 但係都仲未見滕滕起身! 到左差唔多十點, 都仲未見人! 於是乎我打個工人打提, 問佢仲咩滕滕咁晏都未起身, 係唔係唔舒服, 無奶油差唔多十點都仲未起身架嘛!
個工人同我講, 尋晚九點幾就同佢瞓, 不過瞓到十點幾就喊, 仲要喊得好緊要, 喊左好耐就至瞓番! 所以今朝就成十點都未醒!
夜晚基本上99%都係我同滕滕瞓, 尋晚夠鐘瞓我都未番嚟, 所以佢瞓左一陣, 十點幾要搵我呀! 唔怪得凌晨兩點幾佢無啦啦企起身叫我啦!
而家滕滕飲夜奶, 我都叫滕滕bye bye姐姐先入房, 而滕滕bye bye完都跟住我入房! 因為佢知道每晚都係我, 都係我呢個媽me同佢瞓!!!
所以聽到個工人講話佢十點幾喊得好緊要, 雖然好心痛, 但係好窩心囉, 因為佢知道係我要同佢瞓!
開心c你喇~
回覆刪除[版主回覆08/21/2010 00:06:00]YES!!!
好感動呀!
回覆刪除[版主回覆08/21/2010 23:23:00]我等左好耐架喇!!!
痴實你喇~~~
回覆刪除[版主回覆08/21/2010 23:26:00]最好啦! 最好痴到娶埋老婆都仲痴緊, 咁就真係好喇!!!
通常男人大個之後只會痴住自己條女唔痴亞媽~~~
回覆刪除[版主回覆08/23/2010 10:56:00]痴女唔緊要, 但係最好顧埋亞媽囉! 我都好想試下我可唔可以另到滕滕咁樣!
得架，只要信
回覆刪除[版主回覆08/23/2010 11:22:00]我都覺得係得! 因為我就係憑著信念覺得自己係得,所以一次就考到車牌! 不過考完pass左之後就唔得喇 !
乜都係只要信，我就係憑著信，一直向前衝呀
回覆刪除[版主回覆08/23/2010 12:14:00]真係! 我都覺得信念係好緊要!!!