尋日同家姐講我同滕滕用耳挖撩耳仔, 撩左好多出嚟, 佢一聽到就好唔鐘意咁話: "嘩! 你唔好敢啦!"
咩事先???!!! 咩唔好敢呀?! 梓祐由細到大, 都係我同佢撩耳仔架啦, 好細個都已經撩, 有乜問題先?!
我知, 滕滕咁細個就同佢撩, 怕佢郁吖嘛! 咁我都唔會因為我想搵人撩耳仔嚟搵滕滕攪飛啦! 你估我唔怕整到佢咩! 你估我傻嘅咩! 我唔想佢隻耳仔D耳C多到撩唔出, 要去搵醫生解決!
撩耳仔係我嘅專長, 我嘅專長唔使下下都要同人講架嘛! 個囝係我, 我更係係一個最安全嘅情況下佢同撩架啦, 唔通我明知個囝猛郁, 都要同佢撩咩!
更何況滕滕比我撩緊嗰時都冇郁, 咁即係證明佢OK我OK啦, 如果佢起勢郁, 我又點會撩到咁多出嚟喎!
佢為滕滕好呀! 你唔好話佢啦!
回覆刪除其實唔駛挖架, D耳C會自己跌出嚟架.
如果專登去挖, 滕滕又郁, 咁就危險喇!
意外嘅嘢好難講架.
[版主回覆08/24/2010 16:23:00]我知佢怕我整親滕滕, 但係佢又唔知我係會好小心架, 因為滕滕係我架嘛, 唔通我會去駁咩!
我唔覺得D耳屎會跌出嚟喎, 因為滕滕D耳C多到好緊要, 下下都好似條魷魚絲咁! 同埋, 我老公細個以前就係冇撩過隻耳仔, 攪到要去睇醫生滴左藥水都仲要過一陣先可以比個醫生撩呀!
我都冇撩隻耳仔架, 佢自己真係會跌出嚟, 真架, 唔係講笑.
回覆刪除[版主回覆08/24/2010 17:21:00]我地以前細個到時到候就會排住隊叫亞媽同我地撩耳仔, 到左我地大個, 我輪到我就到時到候就同我兩個細佬撩耳仔!
所以你話D耳C會跌出嚟, 我真係未試過, 因為都比我撩乾淨晒, 仲點會有得跌呢 !
我都有同吉仔撩耳仔,但係佢會反抗,所以我就撩到就撩啦,不過唔好話你,我都未見過吉仔自己跌D耳屎出黎,我以前有個FD又係唔撩,積左一大舊係到,一掂就痛,最後連醫生都幫唔到佢撩.
回覆刪除我唔想吉仔咁,所以我都會定期幫吉仔撩,撩唔晒都唔好積一大舊係到~
[版主回覆08/24/2010 23:16:00]我同滕滕撩嗰時, 起初佢都唔知點咁, 不過因為我撩左耳仔有成廿年經驗(無論大細老嫩我都撩過), 所以我首先會同滕滕止左痕先, 佢唔痕我先開始同佢嚟料!
所以你下次可以試下我個方法!
開篇blog，講晒你啲專長出黎
回覆刪除[版主回覆08/25/2010 10:40:00]咁多! 點寫呀! 寫到手都軟埋啦 !
咁咪PART1開始囉
回覆刪除[版主回覆08/25/2010 11:37:00]唔寫喇, 我份人好內儉架 , 我唔會講出嚟, 只係會比人發掘架咋 !
(Empty)
回覆刪除